又一日本拉麵過江龍登陸香港名為麵屋武一，開業只有一個月左右，店家主打濃厚系雞白湯拉麵，以雞湯作拉麵湯底是近10年開始嘅潮流，強調湯底同配料雞叉燒，雞肉丸由日本直接入口。
近期好多香港人用低糖質蒟蒻麵黎代餐減肥，係武一亦都可以選擇蒟蒻麵，質感爽滑彈牙，一份低糖質蒟蒻麵只有18kcal，而普通麵係有大概220kcal，非常適合正在節食、注重健康嘅人士享用。
濃厚味噌拉麵($88)
由於這裡的湯底是用雞湯的，所以冇平時咁油！味噌味唔太濃，但係個湯都幾「傑」身，飲落去有啲黏嘴！附有既雞肉唔會好肥，岩哂唔中意太油既朋友！
蔬菜拉麵 ($80)
呢個蔬菜湯底用左10種唔同嘅蔬菜煲成，比起一般豬骨/醬油湯底健康得多！
而麵方面我就加左10蚊轉左低糖質拉麵，啫傳說中嘅蒟蒻麵，配料有蕃茄仔，菜芯，菇，粟米仔同埋少少蔥蒜，好健康架!
Charlotte 