「 小魚兒」，主打川菜烤魚，烤魚有多款口味選擇，如老壇酸菜、蒜香、泡椒等，最特別的莫過於香港首見的菠蘿香辣豆花烤魚，以新鮮菠蘿配上海鱸魚 。 呢間餐廳位於尖沙咀金馬倫道，一出地鐵站行前少少就到，交通算便利，餐廳裝修都好靚，以黑色為主 。
今次幾個朋友全係好辣之人，於是叫左個中麻辣烤魚，實在太麻超辣 。 忍唔住‘不’走啲辣椒，各位初試既可以叫左小麻辣先。叫左海鱸魚，條魚大條多肉又少細既魚骨，岩岩送黎時試左舊魚肉，魚皮仲係脆卜卜嫁!
推薦各位，食烤魚必叫配菜：薯粉，秀珍菇，蓮藕（好爽口），羅白（超甜），木耳（出奇地好味），呢啲大多數本身冇乜味，但全部吸晒啲麻辣汁，好入味！
想啖啖肉，可以選擇深海石斑，再配鳯梨香辣豆花小辣度，有少少菠蘿味，應該幾好味。
鮑魚，菜同烏冬，都係吸晒魚既鮮味，非常鮮甜，鮑魚既質素不錯，算高質
小魚兒
地址：尖沙咀金馬倫道16號金馬大廈1樓（顯示地圖）
電話：2328 2122
營業時間：星期一至日 11:30am – 1am
Charlotte 