夏天到啦，係時候去下旅行，依加首爾新羅酒店做緊優惠﹐可以去酒店嘅「Urban Island城市島嶼」戶外泳池chill 下，曬下太陽，僻下暑。當中仲有恆溫游泳池、按摩浴池同空中花園。住客可以一邊浸浴，一邊欣賞南山、首爾塔和景色，享受片刻寧靜。

 

唔單只有咁多設施，佢環境裝修都好靚好靚，如果你想感受韓國傳統氣息，呢道就岩哂，酒店開左都有一段歷史，係以傳統風格建築，見證到韓國歷史光輝, 而室內亦都有大型翻新工程。絕對物超所值！

 

全新「Urban Days」有酒店優惠! 夏天快D黎體驗首爾新羅酒店暢遊樂趣~~

住宿每晚二人客房只係由價格由320,000韓元起，即係大約港幣$2100(不包括服務費及稅項，需入住兩晚或以上)

–       入住酒店豪華客房或豪華商務房

–       全日免費享用「Urban Island城市島嶼」戶外泳池 （開放時間為上午十時）

–       適用於The Library、Pastry Boutique各酒店餐廳同客房用餐服務的50美元簽賬額（不包括客房内的迷你吧）

–       免費使用室內泳池和健身中心

 

供應期由即日起至2019年6月30日。

皇家加勒比國際郵輪開設左新的水上樂園獨家海島可可灣(Perfect Day at CocoCay) 於美國時間5月6 日正式揭幕！位於巴哈馬群島，用左20億港元打造，好岩鍾意冒險同探索的遊客黎體驗。

裹面當然唔少得動感水上樂園 Thrill Waterpark﹐以刺激嘅水上遊戲為主﹐例如勇者高峰塔Daredevil’s Tower﹐是七道令人嘆為觀止嘅滑水梯﹐當中有經四典垂直的 Screeching Serpent滑梯 和迴旋急轉彎的Green Mamba。

水上樂園仲有冒險水池Adventure Pool， 將會帶你進入一條互動水上障礙賽道，然後進入挑戰攀石牆，更可挑戰沿繩網橫越泳池，盡情奔跳擺動。

一家大細的話可以到兒童水上樂園Splashaway Bay, 這個大型水上樂園還設有兩個巨型水桶和五個專為兒童而設的滑水道。

仲有超級開心嘅標誌景點氦氣球UP, UP and Away, 勒比海域綠洲瀉湖Oasis Lagoon 淡水泳池,享受日光浴同湖畔酒吧, 而南灣South Beach充滿了運動氣息，遊客可盡情參與沙灘排球、沙灘籃球、足球等娛樂活動，亦可划槳衝浪。

全新嘅可可灣俱樂部Coco Beach Club在12月壓軸登場!                                                                新設施有上高腳屋Overwater Cabanas – 屋內包括獨家滑水道、水上吊床、沐浴設施﹐仲有最新靚靚無邊泳池Infinity Pool﹐俱樂部及甲板位置 ﹐非常適合希望享受片刻私人寧靜時光嘅遊客。

 

灣仔嘅呢間hEAT, 主打新鮮海產和自家製dry aged 牛扒，一入到餐廳暖色調嘅設計就令到我好放鬆, 見到個dry ager 放滿牛排，一個個Josper Grill烤爐去燒海鮮，就知道呢道對食嘅要求有幾講究。

餐廳最近新推出四道菜晚宴，又巧妙配搭三款全新雞尾酒，鍾情異國風情嘅小編就黎試試。開序嘅頭盤係「廚師精選生蠔」和同「沙甸魚多士」之中任選其一。

小編就揀左沙甸魚多士，香脆鬆化嘅多士經Josper Grill烤焗，再塗上沙甸魚醬，不論味道同口感都好好。

至於前菜方面，可揀「Josper Grill烤鵝肝」伴蜜糖香草烤椰菜仔，或者香茅辣椒炒「是日時令鮮蜆」。

八隻大大嘅鮮蜆，是用特別的奶油湯來熟的，蜆肉剛剛熟，味道非常鮮甜。

 

主菜方面可選「美國Greater Omaha牛扒」或加68蚊配dry aged prime ribeye🥩自家製45天熟成美國肉眼扒﹐賣點肉質軟熟。Greater Omaha係美國著名家族品牌，品質別具保證。兩款主菜都係以Josper Grill烤焗, 牛肉味香濃，還有一陣很香的炭燒味。伴碟仲有嫩口菠菜🥬。

 

咁呢個就係我地點嘅45日dry aged prime ribeye (+$68)，牛扒以特定溫度風乾, 去除多餘水分，肉質較有咬口。一入口牛肉味不是太濃，但是在口腔的時間長了左，那陣香濃的肉味就出來了，每啖都散發出牛油香﹐相信這就是aged beef的威力。另外如果比較大食的男仕可以加$100多加100 gram。

 

甜品方面就各樣要了一款，白朱古力Panna cotta 意式奶凍是一款意大利式奶酪。有一些薄荷泡同煮過嘅雜莓，口感豐富，甜而不膩！

另一個就點了黑朱古力mousse🍫，朱古力味好香濃，感覺是用了80%以上朱古力製作，加上我最鍾意嘅香脆的開心果粒，非常滿足！

另外可以港幣188元或238元嘅價錢分別加配三杯或四杯雞尾酒／無酒精特飲。

四道菜晚宴定價每位港幣480元（另收加一服務費），以這個價錢能夠吃到咁高質嘅西餐，而且環境舒適, 小編覺得性價比很髙﹐非常推介。

 

大家都知「飲茶 YumCha」以「睇住流奶」創意的中式點心聞名, 近其更推「OMN!PORK新豬肉」,健康素菜為主打。

「OMN!PORK新豬肉」係咩黎? 小編就覺得佢口感同新鮮豬肉無兩樣, 但原來係由冬菇、豌豆、大米和非基因改造大豆製成, 是營養豐富而且好多米芝蓮一星餐廳用緊的環保食材。

「飲茶 YumCha」利用北美研發的「OMN!PORK新豬肉」創作出五款美食，「取代傳統豬肉，炮製出「不是豬肉酥」，「菇你唔到」, 「麻辣蠶豆」,「棠菜豚餅」,「太極蛋白」同「不是豬肉酥」。

「不是豬肉酥」（港幣49元）內餡為包裹著秘製叉燒汁的「OMN!PORK」和新鮮菠蘿，再於酥餅面層撒上罌粟籽，香口惹味。

「菇你唔到」（兩件港幣89元）將菇菌粒和「OMN!PORK」釀入新鮮的大啡菇內，入爐烤焗後再澆上燒烤，。

此外，烹飪團隊亦將「肉」和新鮮菇菌粒釀入蠶豆豆莢之中，配以全新秘製辣醬，製成比傳統菜式更健康味美的「麻辣蠶豆」（港幣99元）。

另一款新版經典菜式「棠菜豚餅」（港幣109元）混合「OMN!PORK」、柴魚乾和營養豐富的新鮮小棠菜，炮製出香脆可口的煎餅。

至於「太極蛋白」（港幣99元）則以「OMN!PORK」為「陰」，幼滑蛋白為「陽」，造型別具心思，享用前別忘記拍照分享。

相比傳統豬肉，「OMN!PORK」的鐵質含量高出53%，而飽和脂肪則低出70%，而且每100克含有4.4克膳食纖維，屬零膽固醇，生產時消耗的能源更比傳統豬肉少65%，非常健康。然而它的質素跟豬肉沒分別，甚至更好，而且比豬肉營養價值更高係呢個越來越重視飲食健康的年代，我地點解唔試？

以上各款新菜式將於2019年5月6日起在「飲茶」的旺角及尖沙咀分店率先亮相，並於5月8日起在中環及銅鑼灣分店供應。

「飲茶」嘅食物點心一向添加左玩味元素，但又不失傳統原味同精髓。呢個5月，Yumcha 「飲茶」將推出三款的嶄新菜色,  唔單止外貌可愛, 每款皆獨具個性，打卡必備~

第一樣係新包點, 賣相有趣鬼馬, 可愛趣意嘅卡通人物造型，喚醒食客内心嘅童真。

 

「紅都面埋」性格可愛又怕羞，內餡以紅豆配搭煙韌麻糬，而包子嘅粉紅色係來自紅菜頭天然色素。

細膽之餘又喜歡挑戰嘅「瑪利怕怕」，在淡綠色包子上綴有「O嘴」，表情逗趣，而裡面係熱騰騰嘅綠茶餡，味道清香細膩。

「正野一健」

「正野一健」係唯一一款鹹味包點，帶點凌亂美的髮型以肉鬆打造，配以白菜豬肉內餡，口感豐富。竹炭包子呈現型格灰黑色。

除左新款包點之外，新推出嘅「黑椒牛酥」（港幣49元／3件) 竹炭酥皮外層灑上食用金粉更顯貴氣，裡面包裹著香辣惹味嘅安格斯牛肉。

切片西瓜造型嘅「西瓜凍凍」（港幣39元／3件）令人眼前一亮，啫喱味道清新，屬甜品迷必試新品。白色和綠色嘅「西瓜皮」部分用上椰汁製作，紅色部分則以新鮮西瓜製造。

以上各款新菜式將於2019年5月6日起在「飲茶」旺角及尖沙咀分店率先亮相，並於5月8日起在中環及銅鑼灣分店供應。